CRITERIOS PARA A SELECClON DE PERSOAL LABORAL TEMPORAL

(Aprobadas polo pleno do Concello o 29 de decembro de 1995 e modificadas en sesión celebrada o 30 de maio de 1997I. REQUISITOS PARA A CONTRATACION)

Por razóns de necesidade ou urxencia debidamente motivados poderase contratar persoal laboral de carácter non permanente, de conformidade coa lexislación laboral vixente, para a realización de traballos de carácter temporal e conxuntural en postos desta natureza sinalados no art. 25.2 da Lei da Función Pública de Galicia, de 26 de maio de 1988, que non poidan ser atendidos por persoal laboral fixo.

As vacantes e as baixas que se produzan no persoal laboral fixo do Concello e que por necesidades do servicio esixan a súa cobertura serán obxecto deste procedemento de contratación .

Os contratos deberanse formalizar necesariamente por escrito.

A duración dos contratos ós que se refiren estas normas non poderá exceder do período máximo que se establece na lexislación laboral en función da correspondente modalidade de contratación.

Non se poderá converter en fixa unha relación laboral de carácter temporal.

II.- O SISTEMA SELECTIVO

Este tipo de contratos celebraranse conforme ós principios de mérito e capacidad axustándose ás normas de xeral aplicación a este persoal laboral e seguindo os criterios, que se establecen na presente resolución.

A selección dos aspirantes efectuárase mediante os sistemas de concurso ou concurso-oposición segundo sexa o máis axeitado para cada caso en concreto.

III.- CONVOCATORIA

A convocatoria será realizada polo Alcalde e será publicada no taboleiro de editos da Casa Consistorial e en extracto nun periódico de difusión provincial. Darase conta tamén á Oficina de Emprego máis próxima para a publicidade no seu taboleiro de anuncios. En casos de urxencia xustificada, tales como baixa por enfermidade ou accidente, a convocatoria publicarase unicamente no taboleiro de editos da Casa do Concello.

Na convocatoria faranse consta-los requisitos mínimos para poder participar nas probas e sinalarase o prazo para a presentación das solicitudes.

Os aspirantes deberán presentar xunto coa solicitude e en todo caso antes da finalización do prazo de presentación de instancias, a documentación, en orixinal ou copia compulsada, acreditativa dos méritos que aleguen, establecidos na convocatoria.

O lugar e data de comenzo das probas ou exercicios, no caso en que se celebren, anunciarase no taboleiro de edictos da Casa Consistorial.

IV.-TRIBUNAIS CUALIFICADORES

Os tribunais cualificadores estarán integrados polos seguintes membros:

Presidente: O da Corporación ou membro desta en quen delegue.

Vocais:

- Un Concelleiro do equipo de Goberno.
- Un Concelleiro dos grupos da oposición.
- Un, designado pola representación dos traballadores.
- Un técnico ou especialista na materia.

Actuará como, secretario: O da corporación ou funcionario en quen delegue.

Os vocais do tribunal deberán posuir titulación ou especialización iguais ou superiores ás esixidas para o acceso ás prazas convocadas.

V.- EXERCICIOS, MERITOS E SISTEMA DE CUALIFICACION

Serán os que se detallen para cada caso na convocatoria, sen prexuízo do que se establece a seguir.

Os exercicios da oposición, se é o caso,, terán carácter eminentemente práctico. Para á avaliación de méritos será de aplicación o seguinte baremo:

a) Experiencia profesional: ata un máximo de 3 puntos.

Servicios prestados no Concello de Nigrán na mesma categoría: 0,07 puntos/mes.Servicios prestados noutras administracións na mesma categoría: 0,05 puntos/mes.

Servicios prestados en empresas privadas na mesma categoría: 0,02 puntos/mes.

b) Por cada curso de formación ou perfeccionamento realizado con aproveitamento impartido polas administracións públicas, universidade ou INEM e relacionado cos funcións propias da categoría: 0,20 puntos/curso, máximo 2 puntos.

c) Por posuir unha titulación académica distinta e independente da requirida na convocatoria como requisito imprescindible para o acceso:

Título de doutor: 2,00 puntos

Título de licenciado ou equivalente: 1,50 puntos.

Título de diplomado universitario ou equivalente: 1,00 puntos.

Título de bacharelato superior ou equivalente: 0,50 puntos. -

Graduado escolar ou equivalente: 0,25 puntos. Só se computará a titulación de máis nivel das alegadas.

d) Polo coñecemento acreditado do idioma galego (só se valorará o grao superior alegado).

en grao de iniciación: 050 puntos ,.en grao de perfeccionamento: 0,75 puntos.

Só se concederá validez, polo que a acreditación do galego se refire, ós cursos ou titulacións homologadas pola Dirección Xeral de Política Linguística da Consellería de Educación e Ordenación Universitaria.

e) Por cada mes acreditado como demandante de emprego (máximo 1 .punto): 0,02 puntos.

f) Ademais dos méritos indicados incluirase na convocatoria outros, máis específicos en relación coas tarefas a desempeñar, incluidas entrevistas curriculares, con indicación da puntuación que lles corresponde, ata un máximo de 3 puntos. .

VI-PROPOSTA DE CONTRATACION

Terminada a cualificación dos aspirantes, o tribunal formulará a proposta de contratación, non podando incluir un número de aspirantes superior ó das prazas convocadas. Tal proposta elevarase á Presidencia da Corporación para que dicte as resolucións pertinentes,

VII-CONTRATACION

Unha vez aprobada a proposta e presentada no seu caso a documentación acreditativa dos requisitos esixidos para ser contratado, procederase a formaliza-los correspondentes contratos laborais temporais.

No departamento de persoal do Concello existirá un Rexístro de persoal laboral non permanente.

VIII. NORMAS SUPLETORIAS

En todo o non previsto por estas bases estarase ó disposto na convocatoria correspondente e, sempre que resulten axeitadas ó caso, rexerán cómo supletorias as bases para.a contratación de persoal laboral fixo aprobadas polo Pleno do Concello, así como as disposicións xerais aplicables por razón da materia. Teranse tamén en conta, coas necesarias adaptacións, as instruccións establecidas para a Administración do Estado por circular de 17 de marzo de 1987 da Secretaría de Estado para a Administración Pública (apartado 9), ou disposición que a substitúa.