O municipio de Nigrán permite degustar de maneira especial a cociña típica da costa de Galicia, con numerosos bares e restaurantes que se concentran no litoral marítimo. Abertos todo o ano, ofrecen ó visitante pratos elaborados co excelente peixe e marisco da zona, capturado no día polos pescadores do lugar.

Ás especialidades de peixes e mariscos, onde brillan as robalizas, o rodaballo, polbo, sardiñas, lagostas, percebes, camaróns da ría, lumbrigantes e nécoras, debemos engadir exquisitas carnes de tenreira galega de fama internacional, caldeiradas, a mellor horta da zona e o excelente albariño, rei de tódolos viños brancos das Rías Baixas.