A parroquia de Camos ten unha superficie de 6.720 km2 e unha poboación de 1.400 habitantes. Na súa zona concéntrase a maioría dos pazos do concello e da comarca, entre os que destaca e paga a pena visitar o Pazo da Touza, construído no ano 1568 e que funciona hoxe como aloxamento de turismo rural.

Destaca, como arquitectura tradicional, a Casa Rectoral da parroquia ou a Torre de Méndez. A igrexa parroquial do século XVIII e a capela de San Roque, onde se realizan as festas parroquiais, son a súa arquitectura relixiosa xunto a diversos cruceiros.

A parroquia é fonte inesgotable de petroglifos, restos arqueolóxicos, muíños, canalizacións, que poden verse cando se percorren as rutas e camiños marcados.