O concello de Nigrán está situado ó sur da cidade de Vigo (Pontevedra) no corazón das Rías Baixas nun enclave xeográfico privilexiado pola diversidade e beleza da súa paisaxe e as excelencias do seu clima. Na actualidade o municipio, situado dentro do Val Miñor, está considerado coma unha das zonas turísticas máis importantes de Galicia.

Os inmensos areais e praias bañadas polo Atlántico están distinguidos con Bandeiras Azuis pola calidade das súas augas e servicios. Á riqueza das súas costas súmase unha paisaxe interior de gran valor, na que zonas forestais de rica vexetación ofrecen a posibilidade de gozar e descubrir recantos marabillosos.

•••>