Na parroquia de Nigrán non hai que perderse a riqueza do seu interior, a fermosa perspectiva dun extenso val ergueito de verdor, con miradoiros naturais que permiten gozar da paisaxe.

Os pazos como o de Cea (s. XVI), o de Cadaval-Urzáiz (finais do XVI) ilustran a identidade civil duna arquitectura nobre. No relixioso é de destacar a igrexa de San Fiz (ano 1773) e a capela das Angustias, de arquitectura barroca (s. XVIII).

Xa na costa, Praia América é, sen dúbida, a praia máis admirada e galardoada de Galicia. A parroquia de Nigrán permite a práctica do turismo máis activo, integral e completo de principio a fin: sol e praia, gastronomía e longos paseos á beira do mar e o monte.