Panxón é ante todo paixón polo mar. Nesta parroquia atopamos as praias de Panxón, Madorra e Patos, que permiten o gozo do sol e o mar, xunto coas artes tradicionais da pesca e o marisqueo.

En Panxón é posible visitar o Arco Visigótico, declarado monumento nacional en 1964 e o templo Votivo e a súa igrexa parroquial do século XII. O monumento adicado á Mariña Universal que domina o cume de Monteferro, é desde onde admiraremos as mellores vistas do océano Atlántico.

Pero se hai unha festa na que Panxón é o lugar indicado, ésta é a noite de San Xoán, a das fogueiras máxicas e purificadoras do 23 de xuño, que marca o comezo do verán.