Cunha superficie de máis de 35 kilómetros cadrados e unha poboación estable de 15.000 habitantes, Nigrán beneficiase dun microclima especial, con suaves temperaturas no inverno e sol abundante no verán, época na que se rexistra a maior afluencia de turistas.

En palabras do insigne escritor galego Carlos Casares, "Nigrán é mais que o seu mar e as súas praias. Incluso se pode dicir que o mar e as praias necesitan dos montes e os outeiros para seren contemplados en todo o seu esplendor. Eso sábeno ben as persoas que se teñen aventurado a ir cara o interior ou as que simplemente ascenden ata as alturas amables de Monteferro, desde onde se pode gozar de vistas grandiosas, cadros divinos pintados por Deus para disfrute de todos"

<•••